#نعي
لمولاتي العليلة صلوات الله عليها

ويلي عله الثگلت عللها
وعن دارها ظعنت أهلها
ويا ارحالهم ما مش رحِلها
لحال العليلة تدمع العين
•••
يا والدي ويا كل اهلنه
منهو لبعد عِزْكم بقى النه
دهر المصايب شت شملنه
ومهموم حال ابنَيْتك حسين
•••
يا هو اليسد وحشه فراغي
والمن بعد اكعد واناغي
للسافروا ارسل بلاغي
التمت عليه اوجاع صوبين
•••
اناْ فاطمة وعمر الطفولة
بعد الاهل واضح ذبوْله
وياي الماسي شكد عجوله
شلّت حياتي چن علي دَين
•••
ناظم الفضلي الكربلائي

#اللهم_عجل_لوليك_الفرج
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

#نعي

لمولاتي العليلة روحي فداها

الشمس من سلهمت بعيون الغروب
ونــهـار الـبـلد كـف اعـلـــها ليلـــــــه

تچن گامـــت الناس وتغلگ الـبوب
ورّوح كــــــل خليل اعـــله خليلــه

ضـــلام الــيـل گـطـع كـل الـدروب
وهـم اليـــل یــا گـــلب الــيــشيلـه

بـيـن الـدور ضـلـت روحـــها اتـلـوب
والمـــــدلولــه ونـــتــهـه ثـــجــيلــه

تـجـلب الـيـل كـلـه ابـلـوعــة ايـوب
ومـن عـظم المــرض صارت نحيلـه

تــحن روحــه اليـفارج فـرد محبوب
اشـــحال الـــفــارگت گومه وقبيلــه

ونتهــــــه تكــسّـــــر صـم الـگـلـــوب
اوتــديــر الـوجهه لله وتـشــتــكــيلـه

يلـــرديـت يـوسـف عـلــــه يـعـگـوب
تــره دمــع الهــجر يــحرگ مـــــسيله

انـه گـلبـي اعله شوفت هلي ملهوب
واخــاف اتــصـير فــرگتهم طـويـله

مـا تـدري ابـدهـــرهــه دار مـگـلوب
وگـلبـــهه بـعـــد مـايـبرد غـليلــــــه

ظـعـن احبابـهه مـاتـدري ياصـوب
مـن ريـــح الـزلم بـس ضـل عليــله

لـن تسـمـع منادي ابـصوت منيوب
يـنادي الظـعــن راجـع مــن رحـيله

طلـعت فـاطمـــه واتـعـثـر بلـثــوب
تـشـوف الـنوگ تـعبانه وهـــزيلــه

بـس نـسـوان ظـعن الـراح مهيوب
لا راجـع احــسـيـنـه ولا چــفـيلـه

الشاعر عزيز الفيصلي

#اللهم_عجل_لوليك_الفرج
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

#نعي لمولاتي العليلة روحي فداها

عند رجوع الضعن

فقالت بلسان الحال….

ونــت وصاحـت يــل مـجـبلين
ضعنكم راجع بطرك النساوين
اسمع هـضل واصياح صوبين
خــاف نــذبح عــودي يطيبين
مامش صوت ويــاكـم للحسين
صــاحــت وهلت دمعة العين
شو مامش علم وارجال سبعين
الكمر وين الكمر يهلي الميامين
القاسم وين وعيون الحسن وين
الاكبر ماله صوت شعامل البين
ياساعة الكشرة اعلى المسلمين
••
فأجابتها اختها السيدة سكينه عن بعدٍ قائلة .
••
مشوا للموت محد عاد - ما تان
الما مجروح بيه طعنات - ميتين
ليالي الخير وي حسـيـن - مـاتـن
ومـاتـت كـل سوالفنه بـرقيه
••

فردت عليها فاطمة العليلة .
••
جانت خفيه - عليكم ونـتـي جــانت خفيه
بثـنين اديـه - اريد اصرخ وادك بثنين اديه
مامش رقيه - تفكدت الضعن مامش رقيه
طـايـح عليه - يسكف البيت لـو طايح عليه
•
هــلـي لا عريسهم لا رد - عليهم
اخوي شكد شلت بيه - عليه هم
اريد اكعد واون واحدي - عليهم
لحد ما اموت واتـلاكـه برقيه
•
ثم جلست بين يدي عمتها زينب-ع- واخذت تسألها . عمه ما الذي غَيَر ملامحكم؟ عمه اي مصاب قد دهاكم؟. فأجابتها عمتها بلسان الحال
•
التضيع بسوك عكب بيوت اهاليها
زيــن تشوف مــن شــدة بواجيها
مــا يــلام الـيضيع العــرف بـيها
مــعـذوره الـعـليله ادور اعـلـيـهـا
••
التضيع بسوك زيــن الهوى تـشـمـه
هـــو السوك كل اكتاره بـيــه لمه
احـسـها تـبـيد كـامت كلمة العمه
بكثر مــا بالسبي تنكال هـل كلمه
••
التضيع بسوك والرجلين محروكه
بحبل كلش خشن مرتين مشبوكه
عفيه اعلى الگلب ويضخن عروكه
بيوت الشام فشله مو بعد سوكه
___
🖊#_الشيخ_حيدر_الحميداوي
محرم الحرام/ 1444 / 2022

#اللهم_عجل_لوليك_الفرج
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

مولاتي العليلة روحي فداها

اشم بثياب ابوي وأنشد بدمعه
اناطر لو أأيس ماكو كل رجعه
ــــــــــــ
اشم بيهن وأحاجي الروح ياروحي
يرد ليّه ابوي وهم اكف نوحي
بعدد ايام بُعده صارن جروحي
صوته الهسّه اذني بكل مسه اتسمعه
ــــــــــــــ
لهسّه بعيني اشوف شلون لابسهن
وجنت بأيديّه اتعنّه وأعدّلهن
مشه وخايف علي ودموعه حابسهن
وي كل خطوه من عمري انطفت شمعه
ــــــــــــــ
اعطّر بالثياب واحجي وياهن
باجر من يرد بالعطر يلكَاهن
بس لا ذكره ليّه احسين خلاهن
البنيّه اعلبوهه حكَهه منفجعه
ـــــــــــــــ
اصفّطهن وأكَولن باجر يردلي
ويتبسّم اشوفه بساعة ايصدلي
بقيت انطر طروش من الطف ايودلي
جزت ايام وآنه بحزني متكَبعه
ـــــــــــــ
خافن مايرد الشالني بعينه
وأسمع صدى ذبحوأ والد سكينه
عاري اعله الترب والدي امخلّينه
وحافر خيلهم داس وكسر ضلعه
ـــــــــــــــــ
الشاعر محمد حسن ضيغم

#اللهم_عجل_لوليك_الفرج
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

#نعي
الى مولاتي ام البنين عليها السلام
**
اجت ام البنين ودكت الباب
وزينب واجفه والدمع سجاب
صاحت كومن الها اهنا يالاحباب
وخل تتعاون ويانه اعله المصاب

عن عباس صاحت سولفيلي
وفه لو ما وفه وياكم احجيلي
امنين النوم يايمه يجيلي
وضلت تسعر النار بدليلي

اذا عباس قصر بالطف انساه
وضل طول العمر زعلانه وياه
هذا ابني الجبير الحلو ملكاه
ربيته وتعبت اهواي برباه

لنها تصيح يايمه شتكولين
تره العباس ضحه بروحه لحسين
عفته اعله النهر والراس نصين
اجفوفه امكطعه والسهم بالعين


اخوتي امعدلين وخوش خوان
اهل فزعه ييمه وكلهم احنان
عفتهم نومه كلهم عله التربان
لو يمي الضهر ما ينكسر جان

صاحت فدوه اله يمه اربعتهم
وانه اعله الموقف علمتهم
اذا ينسون ما جان ارضعتهم
بس انه الولد للطف ردتهم

*
الشاعر
تحسين الخفاجي

#اللهم_عجل_لوليك_الفرج

https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

يقول الشاعر : قرب عاشور و المهدي فتح بابه و يصيح بصوت آه يا حسين و مصابه
انت المعزى سيدي ياصاحب العصر والزمان انت المعزى بمصاب جدك الحسين عليه السلام
ساعد الله قلبك
اللهم بحق الحسين اشف صدر الحسين بضهور الحجة
الهي بفاطمة وانه لقسم لوتعلمون عظيم عجل لوليك الفرج
إلهي بالحُسين وما خابَ منْ توسّل بالحُسين
إلهي بالعبّاس وما خابَ من توسّل بالعبّاس أقضي حوائجنا
💔😭
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

الحمد لله وصل عاشور وأمتد العمر بيه
وأرد ألبس ثياب السود وأخدم بالحسينية
الحمد لله وصل عاشور وانا بهالسنه موجود
أروح لمأتمك ياحسين وأرد ألبس ثياب السود
وأزيد اعلة السواد سواد وألطم لو قرة الرادود
وبلجن بالخدم إسمي متسجل بتعزيه
يابو اليمة العمر ذابل وإكسر وأجمع بدهره
دخلك جاي وأترجاك باجي العمر لاخسره
كم عاشور باكيلي ابجي وي امك الزهره
ومنك ماأريد ثواب ولا إلي عليك منيه
منك لاأريد ثواب ولا أريد اندعي باأجري
بس يم منبرك خلني أبجي ودمعتي تجري
وأضل من مأتم لمأتم أوسم بالدمع عيني وأوسم بالطم صدري
وتكسر عبرتي مصابك كل مايمر طاريه
، 😭😭💔
لايوم كيومك يا أبا عبدالله الحُــــــــســـين لبيك ياحسين
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

بسم الله الرحمن الرحيم
الله صل على محمد و ال محمد الطيبين الطاهرين وعجل فرجــــــــــــــــــــــهم والعن أعدائهم أجمعين
قصيدة مات التصبرفي انتظارك
للمرحوم السيد حيدر الحلي قدس سره


مات التصبر في انتظارك * أيها المحيي الشريعهْ

فانهض فما أبقى التحمل * غير أحشاء جزوعه

قد مزقت ثوب الأسى * وشكت لواصلها القطيعة

فالسيفُ إن به شفاءَ * قلوب شيعتِك الوجيعه

فسواهُ منهم ليس يُنعش * هذه النفسَ الصريعه

طالت حبـال عواتق * فمتى تكون به قطيعه

كم ذا القعود ودينكم * هدمت قواعده الرفيعة

تنعى الفروعُ أصولَه * وأصولُه تنعى فروعَه

فيه تَحَكَّمَ من أباح * اليومَ حوزته المنيعة

فاشحذ شَبَا عضبٍ له * الأرواح مذعنة مطيعه

إن يدعها خفتْ لدعوته * وإن ثقلت سريعه

واطلب به بدم القتيل * بكربلا في خير شيعه

ماذا يُهيجُك إن صبرتَ * لوقعة الطف الفضيعه

أترى تجئ فجيعةٌ * بأمضَّ من تلك الفجيعه

حيث الحسينُ على الثرى * خيلُ‌العدى طحنت ضلوعه

قتلتــه آلُ أمـيـة * ظام إلى جنب الشريعة

ورضيعُهُ بدم الوريـد * مخضبٌ فاطلب رضيعه

يا غيرة الله اهتفـي * بحمية الدين المنيعه

وضبا انتقامك جَـرِّدي * لطَلا ذوي البغي التليعه

ودعي جنود الله تمـل * هذه الأرض الوسيعه

(رياض المديح والرثاءص32 )

https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

اللهم العن كل من ظلم فاطمة وبعلها وبنوها لعنة يستغيث بها اهل النار وافتح لي كل باب مغلق بحق محمد وال محمد
اللهم العن أول ظالم ظلم حق محمد وال محمد.وأخر تابع له على ذالك اللهم العنهم جميعا

السَّلَامُ عَلَى الْأَبْدَانِ السَّلِيبَةِ، السَّلَامُ عَلَى الْعِتْرَةِ الْقَرِيبَةِ، السَّلَامُ عَلَى الْمُجَدَّلِينَ فِي الْفَلَوَاتِ، السَّلَامُ عَلَى النَّازِحِينَ‏ عَنِ الْأَوْطَانِ، السَّلَامُ عَلَى الْمَدْفُونِينَ بِلَا أَكْفَانٍ، السَّلَامُ عَلَى الرُّءُوسِ الْمُفَرَّقَةِ عَنِ الْأَبْدَانِ..

اللهــم العـن اول ظـالم ظـلم حـق محـــمد وال محـــمد واخــر تــابع لــه علـى ذالـك اللهـم العــن العـصابـة التـي جــاهــدت الحــســين وشــايــعت وبــايعـت وتـابعـت علــى قتــله اللـهم العـنهم جمـيعا

اسألُ الله بحقّ ابنتك رقيّة " عليها السّلام " أن يجعلني من الباكين عليك في كل لحظةٍ من حياتي يا حُسين اللهم إنّي استودعك دمعتي على الحُسين "عليه السّلام اللهم فاحفظها

نعي ليلة القاسم عليه السلام 1444
*

يمه الولد گالوهه مريود
يوفي الربى المفروض ويزود
چا ليش صار وليدي مفگود
گالو مشى وطيحت الخدود

جسام گلبي شواي ويموت
جسام يمه بظهرك الصوت
ألمن بعد مبنيه البيوت
ديوان ابوك شلون ينسد

ما طالب الفزعه الك هاي
يابو المضيف العزب هواي
انته التشرب الماي للماي
ما ترضى يعطش حتى جودك

سلمت روحي بروحت العيد
رايح نفس ما رايح وليد
وانحب واگل للموت شتريد
ترجعلي ما ظن كلش بعيد

سولت بواچي بعيني متفض
شو جدمي مات ودمعي يركض

گلبي لچمني شصار ما صار
من الخيمه طلعت نار من نار
من كون ريت العمر يندار
وتظل عدل والموت اليه

سباح گلبي وليدي چندوب
عيني تهل وترس الحبوب
يابو المضيف الدوم مچهوب
گوم اعله حيلك صار الغروب


وجهك سمح ويخربه التراب
يمه الولد حاچيني يلشاب
وكت البچي مو وكت العتاب
خلصت بعد يمه انتهينه


كلمات الخادم رعد الفريجي
محرم الحرام 1444
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

نعي للانصار

دگ صدره حبيب وگال ابشري ام عون
لجلج يالعقيله العمر كله يهون

ويّـاكم نضل يم الخدر للموت
عاهدناكم وما بينه اليخونون

عد عينج يزينب كل الانصار
زهير وعابس ونافع ونه وجون

ولّحر وبرير ازلام خشنين
گالو دون زينب نگلب الكون

محد يوصلج ما دام عدلين
شما كثرو علينه ما يگدرون

زينب گالتهم ثلث تنعام
منكم يالنشامى لما تردون

وهبو للمعاره هبة الــــريح
لحد ما طاحو ونادتهم ام عون


ياليوث الحرايب حشمتهم
احسين ابلايه ناصر گلتهم
مو وكت الوداع وعالثره تنامون
مشت ليهم الحره وعاتبتهم

علي كاظم المنصوري

https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa